Australia vendos sanksione ndaj Rusisë dhe Iranit

Australia ka thënë se do të vendosë sanksione të synuara ndaj Rusisë dhe Iranit në përgjigje të shkeljeve të të drejtave të njeriut, siç i quajti ajo.
Në një deklaratë, ministrja e jashtme Penny Wong tha se sanksionet do të vendosen ndaj 13 individëve dhe dy entiteteve, duke përfshirë policinë morale të Iranit dhe Forcën e Rezistencës Basij, dhe gjashtë iranianë të përfshirë në shtypjen e protestave të shkaktuara nga vdekja e 22-vjeçares Mahsa Amini, në paraburgim në shtator.
Shtatë rusë të përfshirë në atë që ministrja e Jashtme tha se ishte tentativa për vrasjen e ish-liderit të opozitës Alexei Navalny do të imponoheshin gjithashtu sanksione për të drejtat e njeriut ndaj tyre, tha Wong në deklaratën e saj.
Wong tha se Seyed Sadegh Hosseini, të cilin ajo e përshkroi si një komandant të lartë të Gardës Revolucionare Islamike të Iranit, është një nga ata që do të sanksionohet.
Ai u rendit për rolin e tij të dyshuar në “përdorimin pa dallim të dhunës kundër protestuesve”.
“Mospërfillja flagrante dhe e përhapur e regjimit iranian për të drejtat e njeriut të popullit të vet i ka tmerruar australianët dhe autorët duhet të mbajnë përgjegjësi”, ka thënë Wong./21Media