Bajqinovci hedh dyshime se LDK-ja i shfrytëzoi “kërcënimet për lojë politike”

Deputeti i Lëvizjes Vetëvendosje, Mefail Bajqinovci sot ka hedhur dyshime për deklarimet e deputetëve të Lidhjes Demokratike të Kosovës se janë kërcënuar me vrasje.
Në një postim në Facebook Bajqinovci ka shtuar se heshtja që pasoi raportimet “kristalizon dyshimin për lojë të ulët politike”.
“LDK-ja nuk na tha më asgjë për ‘atentatin’! Kosova ka nevojë për një mjedis të shëndoshë demokratik, ku partitë i ballafaqojnë idetë, ekipet dhe liderët e tyre politik duke u mundu me ju ofru qytetarëve përfaqësim sa më të mirë politik. Javë më parë, LDK na e solli në publik një lajm për atentat ndaj kryetarit dhe zyrtarëve tjerë aty, që padyshim merr vëmendje për shkak të ndjeshmërisë së natyrës së këtyre zhvillimeve”, ka shkruar Bajqinovci të shtunën në Facebook.