Vuçiq: Kurti, pushteti në Prishtinë dhe një pjesë e bashkësisë ndërkombëtare duan ‘ta përfundojnë problemin serb’ në Kosovë

Presidenti i Serbisë, Aleksandar Vuçiq, e ka cilësuar gjendjen në Kosovë shumë të rëndë dhe ka paralajmëruar një, siç tha, “betejë të vështirë për mbijetesën e një populli në ‘vatrën e tij’.
Vuçiq foli me tone më të ulëta se një ditë më parë, pas një takimi urgjent të Këshillot te Sigurisë Kombëtare të Serbisë. “… policia e Kosovës që nuk ka të drejtë të jetë në veri, bëhet fjalë per përpjekje për ta perfunduar problemin serb në Kosovë në të cilën po marrin pjesë Kurti, Prishtina dhe një pjesë e mirë e bashkësisë ndërkombëtare”, tha Vuçiq. Vuçiq tha se i “bën thirrje shqiptarëve dhe serbëve që të ruajnë paqen”.
Ai i bëri thirrje serbëve të Kosovës që të jenë  të  qetë  dhe te “mos bien më provokime”. Ai tha se nuk ka ende një “verifikim se si ka ndodhur sulmi mbi EULEX-in” por tha se “sulmet mbi EULeX dhe KFOR nuk guxojnë të ndodhin”.
Mbledhja e Këshillit të Sigurisë Kombëtare u thirr nga Presidenti Vuçiq, nje dite pasi paralajmeroi kerkesën përsiç tha, kthim të “ushtrisë e policisë serbe në Kosovë” me pretendimet se ketë ia mundëson Rezoluta 1244. Por Vuçiq është i vetëdijshëm se kërkesa do t’i refuzohet.