BE do ta sanksionojë Sberbank
Bashkimi Evropian planifikon të sanksionojë huadhënësin më të madh rus Sberbank dhe firmat e tjera financiare ruse në raundin e ardhshëm të kufizimeve, ka thënë kryetarja e Komisionit Evropian Ursula von der Leyen për një gazetë gjermane.
“Ne po shikojmë më tej sektorin bankar, veçanërisht Sberbank, i cili përbën 37% të sektorit bankar rus”, ka thënë von der Leyen për Bild am Sonntag kur u pyet për raundin e gjashtë të ardhshëm të sanksioneve.
SHBA kishte vendosur “sanksione të rënda” ndaj Sberbank dhe një tjetër huadhënës rus, Alfa Bank, në fillim të prillit. Mbretëria e Bashkuar gjithashtu ka sanksionuar Sberbank dhe është zotuar të përfundojë të gjitha importet e qymyrit dhe naftës ruse deri në fund të vitit 2022.
Por BE-ja kishte kursyer deri tani Sberbank dhe një tjetër huadhënës të madh rus, Gazprombank, sepse ato ishin rrugët kryesore për pagesat e saj për naftën dhe gazin rus.
Von der Leyen shtoi se BE-ja po punonte për “mekanizma të zgjuar” për të përfshirë naftën në sanksionet e ardhshme, raporton Reuters.
Në raundin e pestë të sanksioneve BE kishte njoftuar një sërë kufizimesh, duke përfshirë një “ndalim të plotë të transaksioneve” në katër banka që përfaqësonin 23% të sektorit bankar të Rusisë./21Media
Dëshiron ta dëgjosh këtë lajm me zë?