Begaj përmes një letre publike thotë se nëse votohet puna do të flas për të
Kandidati për President të Shqipërisë, Bajram Begaj përmes një letre publike thotë se ishte e papritur dhe e madhe pesha emocionit kur mori lajmin se maxhoranca parlamentare kishte vendosur ta paraqiste si kandidat për president në seancën e sotme.
Begaj shprehet se vetëm me besnikëri absolute ndaj Republikës, qytetarëve dhe Kushtetutës së saj, mund ta tregojnë sadopak madhësinë e këtij nderi, shkruan ora news.
”Fjalët nuk kanë qenë kurrë arma ime më e fortë, por edhe sikur të ishin jam i bindur se do ta kisha të vështirë t’i gjeja në këtë rast. Ky është një ndër ato raste që fjalët nuk e përshkruajnë dot. Vetëm përkushtimi me besnikëri absolute ndaj Republikës, qytetarëve dhe Kushtetutës së saj, mund ta tregojnë sadopak madhësinë e këtij nderi”, shkruan Begaj në një letër publike.
Gjithashtu ai thotë se nëse zgjidhet si President respekti për tjetrin dhe dashuria për atdheun do të jenë shigjetat e busullës së tij në atë detyrë të lartë.
”Nëse Kuvendi i Shqipërisë do të vendosë sot që unë do të jem Presidenti i ardhshëm i Republikës, respekti për tjetrin dhe dashuria për atdheun do të jenë shigjetat e busullës sime në atë detyrë të lartë. Jam mësuar që puna ime të flasë për mua, jo unë për veten time dhe kam frikë se nuk e ndryshoj dot këtë edhe po të dua”, shkruan tutje Begaj./21Media
Dëshiron ta dëgjosh këtë lajm me zë?