Bërnabiq: S’kemi lajme të mira

Kryeministrja e Serbisë, Ana Bërnabiq ka biseduar të premten në Firence të Italisë me përfaqësuesin e Lartë të Bashkimit Evropian për Politikë të Jashtme dhe Siguri, Josep Borrell, për dialogun ndërmjet Beogradit dhe Prishtinës, zgjerimin e unionit, si dhe situatën në Ukrainë.
Ajo ka thënë pas takimit se Serbia nuk ka lajme të mira për dialogun, transmeton rtv21.tv.
“Ne folëm për dialogun ndërmjet Beogradit dhe Prishtinës, nuk kemi lajme shumë të mira atje, për të cilat foli edhe presidenti Aleksandar Vuçiq. Por ne po bëjmë më të mirën dhe gjithmonë dërgojmë të njëjtin mesazh, se paqja dhe stabiliteti janë më të mirat. e rëndësishme për ne”, tha Brnabiq në Firence.
Siç raporton “Tanjug”, Bërnabiq po ashtu ka folur për qëllimin e Serbisë për anëtarësim në Bashkimin Evropian, duke thënë se sa më shpejtë që të ndodhë kjo, aq më mirë do të jetë.
“Ne duam që Ballkani Perëndimor të bëhet anëtar i Bashkimit Evropian dhe ne duam ta bëjmë atë shpejt. Serbia ka investuar shumë kohë dhe energji për të zbatuar reformat në mënyrë që të mbetet anëtare e BE-së, dhe ato reforma janë në interesin e qytetarëve”, tha ajo.
Më 13 maj në Bruksel do të mbahet takimi i kryenegociatorëve të dialogut Kosovë-Serbi./21Media