Besa Famgas, kampione e Kosovës

Hendbollistët e Besa Famgas kanë konfirmuar edhe një herë dominimin në Superligën e Kosovës në hendboll.

Sonte Besa është shpallur kampione e këtij edicioni, pasi edhe në ndeshjen e dytë të serisë finale të plejofit e mposhti Trepçën. Madje, në përballjen e dytë, skuadra pejane ishte bindshëm më e mirë se në ndeshjen e parë, të cilën e fitoi javën e shkuar në Pejë me vetëm tre gola epërsi. Në palestrën “Minatori” në Mitrovicë, Besa triumfoi me rezultatin bindës 37:30.

Për Besën, ky është titulli i dhjetë rresht.

Në anën tjetër, Trepça e mbyll këtë edicion me triumf në Kupën e Kosovës./21Media