Biden shfuqizon disa vendime të Trumpit

1 min read

Notice: Trying to get property 'post_excerpt' of non-object in /home/rtv21new/public_html/wp-content/themes/newsphere-pro/inc/hooks/hook-single-header.php on line 65

 

Nga Zyra Ovale, Presidenti Joe Biden nënshkroi disa urdhra ekzekutivë që zhbëjnë disa politika të paraardhësit të tij, Donald Trump.

Urdhri i parë i tillë e bën të detyrueshme mbajtjten e maskës nga punonjësit federalë, si masë për parandalimin e përhapjes së koronavirusit.

Me urdhrat e tjerë të nënshkruar nga Biden, mes tjerash, ndalohet ndërtimi i murit në kufirin e SHBA-së me Meksikën, hiqen ndalesat e udhëtimit nga disa vende kryesisht me shumicë myslimane, si dhe anulohet vendimi për tërheqjen e SHBA-së nga Marrëveshja e Parisit për Klimën.

“Nuk ka kohë për të humbur kur bëhet fjalë për të trajtuar krizat me të cilat përballemi,” shkroi ai në Twitter, kur u drejtua për në Shtëpinë e Bardhë pas inaugurimit të tij.

Pas hyrjes në Shtëpinë e Bardhë, Biden tha se paraardhësi i tij, Donald Trump i kishte lënë një letër shumë bujare.

“Meqenëse ishte private, nuk do të flas për këtë derisa të flas me të. Por, ishte letër bujare”, tha Biden.

Demokrati Joe Biden u inaugurua të mërkurën si presidenti i 46-të i Shteteve të Bashkuara. Kamala Harris po ashtu bëri betimin si nënpresidente.

Biden, 78 vjeç, është presidenti më i vjetër amerikan që merr detyrën. Trump nuk mori pjesë në ceremoninë e inaugurimit./REL