Bie një pjesë e fasadës nga ndërtesa, pëson një 25-vjeçar në Prishtinë
Viktima është dërguar në QKUK
Një 25-vjeçar sot ka mbetur i lënduar si pasojë e goditjes nga një pjesë e fasadës që ka rënë nga një ndërtesë në qendër të Prishtinës.
Lajmin për portalin rtv21.tv e ka konfirmuar zëdhënësja e policisë për rajonin e Prishtinës, Flora Ahmeti.
“I lënduari me inicialet J.K pësoi këtë incident në sheshin “Edi Durham” në kryeqytet. I njëjti është dërguar në QKUK për tretman mjekësor dhe është jashtë rrezikut për jetë”, ka thënë Ahmeti për rtv21.tv.
Njësitet policore kanë dalë në vendin e ngjarjes po merren me rastin./21Media