Bogujevci: Bashkëpunimi rajonal i kontribuon integrimit më të shpejtë në BE

Kuvendi i Kosovës po mban një tryezë ndërparlamentare të Komisioneve për Punë të Jashtme të Kosovës, Shqipërisë dhe Maqedonisë së Veriut. Kjo tryezë u tha se është dëshmi për bashkëpunimin e tri shteteve për demokraci dhe siguri.

Nënkryetarja e Kuvendit të Kosovës, Saranda Bogujevci, tha se bashkëpunimi rajonal i kontribuon integrimit më të shpejtë në Bashkimin Evropian.

Pjesë e këtij diskutimi parlamentar ishin edhe përfaqësues nga qeveria e Kosovës.

Zëvendëskryeministri i parë, Besnik Bislimi, nënvizoi nevojën për bashkëpunim rajonal, në kohën kur tha ka tentativa dhe skenar për destabilizim të Kosovës dhe tërë rajonit.

Në anën tjetër, ministrja e Punëve të Jashtme dhe Diasporës, Donika Gërvalla kërkoi mbështetjen për anëtarësimin e Kosovës në Këshill të Evropës.