Brenda dhomës ku Ukraina porosit armë nga Perëndimi

Në dhomën më të lartë të një kazerme të rreptë ushtarake amerikane në qytetin gjerman të Shtutgartit, dhjetëra personel ushtarak nga 26 vende po punojnë gjatë gjithë kohës për të dorëzuar armë në Ukrainë.
Nga kjo dhomë, aleatët perëndimorë kanë ndihmuar tashmë në dërgimin e armëve dhe municioneve me vlerë rreth 8 miliardë dollarë për forcat e armatosura të Ukrainës. Kjo është 66,000 ton – ekuivalenti i 5,000 autobusëve dykatësh në Londër siç e ka shpjeguar një oficer britanik, shkruan BBC-ja të mërkurën.
Shumica e asaj që ndodh në Kazermën Patch është shumë e klasifikuar, transmeton rtv21.tv.
BBC-së i është lejuar qasje e rrallë në qendrën nervore ushtarake, ku fuqitë perëndimore po koordinojnë përpjekjet për të furnizuar Ukrainën me armë dhe municion.
Personeli ushtarak nga dhjetëra vende i ngre telefonat dhe punon mbi ekranet e kompjuterit.
Ata përfshijnë një ekip të vogël nga Ukraina, i udhëhequr nga një gjeneral me tre yje. Në fillim të çdo dite ai përcakton se çfarë i nevojitet vendit të tij. Situata në Donbas duket gjithnjë e më e zymtë, por në Shtutgart ka më shumë një ndjenjë urgjence sesa panik./21Media