Brenda shtëpisë luksoze të Rita Orës
Këngëtarja shqiptare me famë me famë botërore, Rita Ora është pronare e një shtëpie të re në Londër. Muret e shtëpisë së re të Ritës në lagjen Primrose Hill të Londrës Veriore në vete mbajnë një histori të veçantë.
E ndërtuar në vitin 1877, dikur ishte shtëpia e ilustruesit Arthur Rackham, vepra e të cilit përfshin Aventurat e Alice në Botën e Çudirave, Peter Pan në Xhennete Kensington, dhe shumë të tjera.
Rita edhe pse e rinovoi pak pasi bleu shtëpinë për 9.1 milionë euro në vitin 2021, ajo nuk donte të bënte ndonjë ndryshim të madh.
“Unë kam pasur gjithmonë një tërheqje për shtëpitë me një frymë të vjetër. E dija se kjo shtëpi ka qenë në mënyrë specifike shtëpia e shumë krijuesve, kështu që mendova se do të kishte një energji vërtet të veçantë”, u shpreh Rita.
Ndërsa punon në albumin e saj të tretë, Ora nuk mund të ishte më e lumtur me bazën e qetë dhe të qëndrueshme të shtëpisë që ajo ka krijuar.
“Të gjithë vijnë në shtëpinë time dhe më thonë: “Nuk mund ta besoj që jetoni në një shtëpi si kjo”, u shpreh ajo.
Kujtojmë se Rita muajin e kaluar ka mbajtur një koncert falas në Tiranë./21Media
View this post on Instagram
