Byroja e DASH-it i reagon Vuçiqit, Joseph e quan rrenë deklaratën e tij se merr para nga shqiptarët
Analisti i politikës së jashtme Edward Joseph ka shkruar në llogarinë e tij në Twitter se presidenti serb Aleksandar Vuçiq, gjatë një paraqitje në TV Prva, e ka akuzuar atë se është agjent shqiptar dhe ka marrë shumë para nga shqiptarët më 30 dhjetor. Joseph tha se me atë rast është thënë një gënjeshtër.
Byroja e Çështjeve Evropiane dhe Euroaziatike e Departamentit të Shtetit njoftoi se “taktikat e pista kundër qytetarëve” si kjo nuk kanë vend në shoqëritë demokratike.
“Taktikat e pista, si ato të përdorura kundër Edward Joseph, nuk kanë vend në shoqëritë demokratike, thuhet në njoftimin e Byrosë. “Zërat e pavarur dhe organizatat e shoqërisë civile promovojnë llogaridhënien dhe transparencën.” Ne i vlerësojmë ata që po ndërtojnë një shoqëri paqësore në Ballkanin Perëndimor”, shtoi Joseph në Twitter me një foto të të dërguarit special të Shteteve të Bashkuara për Ballkanin Perëndimor, Gabriel Escobar.
“Ky pretendim është krejtësisht i rremë dhe Vuçiq nuk ka prova që të mbështes akuzat e tij të rënda, sepse një marrëdhënie e tillë nuk ka ekzistuar kurrë”, tha më herët Joseph.
“Pikëpamjet e mia janë produkt i punës dhjetë vjeçare në terren, në të gjitha konfliktet në Ballkan, përfshirë edhe vitet e luftës”, shkruan në reagimin e tij.
Joseph, i cili ishte zëvendës shef i misionit të OSBE-së në Kosovë dhe aktualisht ligjërues në Institutin Johns Hopkins, tha se përpjekjet e tij fokusohen në mirëqenien e serbëve të Kosovës, “dhe jo në ‘kompensimin’ e Beogradit”. Mungesa e dhënies së statusit Kosovës shkon në dobi të Beogradit, jo komunitetit serb të Kosovës apo trashëgimisë serbe në Kosovë, e cila është me rëndësi kyçe për ruajtjen e stabilitetit rajonal, shkroi ai dhe pyeti se çfarë e shtyn Vuçiqin dhe ambasadorin Gjuriq ta sulmojnë. “Pse e kam ekspozuar manipulimin e vazhdueshëm të Vuçiqit me SHBA-në dhe BE-në (…) duke përdorur serbët e Kosovës si pengje?” pyeti ai.
Smear tactics against private citizens, like those used against @edwardpjoseph, have no place in democratic societies. Independent voices and civil society organizations promote accountability and transparency. We value those building a peaceful society in the Western Balkans. https://t.co/uJpm7xTZII pic.twitter.com/9D6r2HxfdS
— DoS Europe and Eurasia (@StateEUR) January 9, 2023
Ai vëren se “përdorimi i një sulmi personal ndaj një kritiku sugjeron se ka një bazë për kritikë”.
Ai thekson se sugjerimet e Vuçiqit për paratë hapin derën e pyetjeve se kush po paguajnë Beogradi dhe Banjaluka për ndikimin – dhe cilat politika/projekte po shtyjnë në Uashington.
“Duke shpifur ndaj meje, Vuçiq tregoi edhe një herë karakterin e tij”, tha Jozef, i cili gjithashtu shtoi se “i paturpshëm” (shkruar serbisht) është një fjalë e denjë serbe për sjelljen e Vuçiqit./21Media