Çeku në Prizren me rastin e Ditës Ndërkombëtare të Romëve

Sot me rastin e Ditës Ndërkombëtare të Romëve, ministri i Kulturës, Hajrulla Çeku së bashku me zëvendësministrin, Sejnur Veshall ishin në Prizren ku vizituan ekspozitën për fëmijë dhe të rinj të komuniteti rom.
Në këtë ekspozitë u prezantuan veprat e piktorit 11 vjeçar Shpend Misini, gjithashtu u shpalosën vlerat e pasura të trashëgimisë rome, traditat dhe kultura e aftësitë artistike të fëmijëve të këtij komuniteti.
Gjithashtu ministri përcolli shfaqjen teatrale ”Historitë e Grave” të organizuar nga Teatri i parë i komunitetit rom në Kosovë “Nexhip Menekshe”, ku trajtohej pozita e gruas Rome në shoqëri./21Media