Çka ofron Universiteti i Gjilanit për studentët e rinj

Sivjet 68.43% e maturantëve të cilët treguan sukses në provimin shtetëror të maturës presin hapjen e konkurseve nga Universitetet.
Shumica e maturantëve janë në dilemë se çfarë drejtimi do të ndjekin dhe cili Universitet i plotëson kushtet dhe synimet e tyre.
Por, çka ofrojnë Universitetet Publike në vend për vitin akademik 2021/2022 portali rtv21.tv ka realizuar në një seri intervistash me rektorët e univeristeteve.
Intervistë me rektorin e Universitetit “Kadri Zeka” në Gjilan, Bajram Kosumi.
1. Çka ofron Universiteti i Gjilanit për studentët e rinj? 
Universiteti i Gjilanit “Kadri Zeka” për studentët e rinj ofron programe të nivelit Bachelor dhe Master në fushën e edukimit, shkencave kompjuterike, juridikut, ekonomikut dhe matematikës.
Programet studimore që i ofron UKZ janë atraktive dhe në përputhje me kërkesat e tregut të punës. Studentët përfitojnë njohuri të avancuara dhe praktika të mira në fushën e zgjedhur, sipas standardeve më të larta të Kornizës për Kualifikimet e Zonës Evropiane të Arsimit të Lartë.
Proramet janë atratktive sepse metodologjia e mësimdhënies është përshtatur me të arriturat bashkëkohore didaktike: nga mësimi automatizues e memorizues kemi kaluar në mësimin që nxitë mendimin kritik, duke përfshirë edhe përdorimin e avancuar të teknologjisë informative. Studenti nxitet në punë të pavarur individuale dhe ekipore, nxitet të marrë nisma dhe të ndërtoj nj shpirt të ndërmarrësisë, që të jetë konkurent jo vetëm në tregun e Kosovës por edhe në atë global.
2 Cilat janë problemet me të cilat ballafaqohet Universiteti i Gjilanit? 
Si universitet relativisht i ri, UKZ ballafaqohet edhe me probleme:

• Ndryshimet e shpeshta të politikave për Arsimin e Lartë;
• Mungesa e kampusit universitar;
• Politizimi i politikave arsimore nga struktura dhe nivele të ndryshme qeverisëse (si p.sh., ndërhyrjet politike në KSHC dhe përjashtimi i tij nga EQAR dhe ENQA; tendenca për ndërhyrje në universitete gjatë vitit 2019 etj.);
• Mospasja e mjaftueshme në tregun e punës e doktorëve të shkencave në disa fusha studimore;
• Moskuptimi i duhur nga ana e studentëve dhe e komunitetit për rëndësinë e vlerësimit korrekt të njohurive të studentëve nga mësimdhënësit.
• Ballafaqimi me të kuptuarit të UKZ nga disa struktura si “universitet lokal” apo “universitet rajonal”, përkundër faktit se universiteti është universal;

3. Nga cilat komuna keni më shumë studentë dhe sa janë në përputhje me kërkesat e tregut drejtimet përkatëse të Universitetit?
Aktualisht, ne kemi studentë nga shumë qytete të Kosovës: Gjilani, Kamenica, Vitia, Novobërda, Ferizaji, Shtimja, Lipjani, Kacaniku, Hani i Elezit etj. Në disa program studimore, si në programin e Matematikës Arsimore, E-qeverisjes, Qeverisjes Lokale dhe Shoqërisë Demokratike etj. kemi studentë edhe nga viset e tjera të Kosovës (Prishtinë, Podujevë, Pejë, Prizren etj.). Të një interesi të vecantë janë studentët e Preshevës, të Bujanocit e të Kumanovës.
Programet e reja studimore janë në përputhje të plotë me tregun e punës. Cdo program studimor i ri duhet të krijohet mbi një studim të fizibilitetit për tregun e punës për atë profil të diplomuarish. Ne bashkëpunojmë ngushtë edhe me punëdhënësit dhe marrim rregullisht rekomandimet e tyre për profilet e progrmeve studimore. Kështu psh. Me kërkesë të drejtorive të arsimit në disa komuna ne po përgatitemi të hapim programe të reja, si ai i gjuhës gjermane, i fizikës arsimore etj. njësoj bashkëpunojmë edhe me alumnin dhe marrim sugjerimet e tyre se cfarë programesh studimore kërkon tregu i punës dhe cfarë cilësish duhet të ketë i diplomuari. Mjafton të përmendim dy shembuj: shumica e të diplomuarve në Edukim punësohen shumë shpejt, ndërsa po thuajse të gjithë studentët e diplomuar në Shkenca Kompjuterike janë të punësuar. Studentët e diplomuar në UKZ (ekonomik, Juridik, Shkenca Kompjuterike) të cilët vazhdojnë studimet Master (në fushat ku UKZ nuk ka programe të tilla), po thuajse çdo herë janë në krye të listave të të pranuarve dhe diplomojnë me sukses. Kjo ndodhë edhe në universitetet jashtë Kosovës (Universiteti i Ljubljanës, Katovicës, Sofjes, SHBA, Zurichut, etj).
4. Sa jeni të kënaqur me kushtet infrastrukturore në Universitet?
Universiteti “Kadri Zeka” shfrytëzon objektin e vjetër të ish Shkollës së Lartë Pedagogjike në Gjilan. Pas themelimit i janë shtuar disa anekse të cilat e kanë zbutë mungesën e lokalit, por i mungon një Kampus Universitar me standarde evropiane.
Kampusi ekzistues përbëhet prej dy objekteve të mëdha, të ndërlidhura midis tyre dhe të përshtatshme për aktivitete mësimore. Gjendet në brenda qytetit, me një mundësi të përshtatshme për qasje nga studentët dhe stafi.
Objekti kryesor ka një hapësirë prej 6500 m², për zyrat e stafit akademik dhe administrativ, sallat e mësimit, laboratorët, kabinetet, bibliotekën dhe infrastrukturën tjetër të nevojshme. Komplet Kampusi i UKZ-së në total ka një hapësirë prej 2ha ose 20000 m2.
UKZ, bashkë me Komunën e Gjilanit dhe me Qeverinë e Kosovës është duke planifikuar zgjerimin e kampusit aktual edhe me një objekt të madh apo ndërtimin edhe të një kampusi të ri në tjetër pozicion (7,3 ha).
5. Sa ka bashkëpunim ndërkombëtar Universiteti i Gjilanit?
Bashkëpunimi ndërkombëtar është pjesë e prioriteteve të UKZ-së. Marrëveshjet bilaterale lokale dhe ndërkombëtare si dhe projektet nëpër programe të ndryshme janë objektivi që UKZ ka pasur që nga themelimi i tij.
Bashkëpunimin ndërkombëtar të UKZ mund ta cilësojmë në këto kategori:
– Bashkëpunimi në kuadër të projekteve ndërkombëtare për ngritje të kapaciteteve. UKZ ka qenë dhe është pjesë e 26 projekteve deri më tani.  Projekti QUADIC është produkt i UKZ si koordinator me vlerë 991, 831.00 € më 18 partnerë vendor dhe ndërkombëtar. Projekti ka të bëjë me ngritjen e kapaciteteve të universitete partnere në shkrim dhe menaxhim të projekteve. Aktualisht është në vitin e dytë të implementimit dhe të gjitha aktivitetet janë realizuar plotësisht dhe me sukses.
Tabela në vijim paraqet projektet Erazmus+ në të cilat UKZ është koordinator ose partner:

 
– Bashkëpunimi ndërkombëtar në kuadër të shkëmbimeve afatshkurtra dhe afatgjatë në ICM Erasmus+. Ky bashkëpunim ka të bëjë më shkëmbimin e stafit dhe studentëve 2 javor ose 1 semestral nëpër universitete evropiane ku UKZ ka marrëveshje të tilla., si Universiteti Nova Lisboa, Portugali; Universiteti i Manisës, Turqi; Universiteti i Ruses, etj. Të gjitha shpenzimet e akomodimit dhe udhëtimit për përfituesit hiqen nga projekti.
– Marrëveshjet bilaterale mes UKZ dhe universiteteve tjera. Universiteti “Kadri Zeka” ka lidhur Marrëveshje Bashkëpunimi më shumë universitete lokale, rajonale, evropian dhe më gjerë. Në kuadër të këtyre marrëveshjeve është e rregulluar shkëmbimi i stafit, studentëve, organizimi i konferencave, simpoziumeve, trajnimeve, shkëmbimi i literaturës.
Tabela e mëposhtme paraqet Marrëveshjet që UKZ ka me universitete lokale dhe ndërkombëtare:

 
– Anëtarësimet nëpër organizata të ndryshme ndërkombëtare. UKZ është bërë anëtare e shumë organizatave ndërkombëtare që si qëllim kanë arsimin e lartë, integritetin akademik, hulumtimet shkencore, zhvillimin akademik dhe çështje tjera që kanë të bëjnë me edukimin dhe studentët.
Tabela e mëposhtme paraqet anëtarësimin e UKZ në organizata të ndryshme kombëtare dhe ndërkombëtare të arsimit të lartë:

 
UKZ ka nënshkruar marrëveshje bashkëpunimi edhe me institucione publike dhe biznese lokale, më anë të së cilave rregullon çështjen ë punës praktike për studentë.
Tabela e mëposhtme paraqet marrëveshjet e UKZ me kompani, biznese dhe aktorë të tregut të punës:
 

Lexim me zë

Dëshiron ta dëgjosh këtë lajm me zë?

0:00