Turqi: Dasma që përfundoi me rrahje!

Një dasmë  e cila po mbahej në Turqi u kthye më vonë në një betejë të ashpër. Sipas mediave turke përleshja filloi mes dy personave, kurse më pas situata u keqësua.
Në total të plagosur mbetën 24 persona, 14 persona janë dërguar për mjekim në spital, kurse 10 persona janë trajtuar me autoambulanca në vendngjarje.
Në imazhet e shpërndara në rrjetet sociale u pa se dasma e nisur me qejf, përfundoi me sherr. Në pamje u pasqyruan momentet kur  karriget dhe tavolinat fluturuan.
Nusja dhe dhëndri u larguan nga vendi me një veturë të policisë. Ndërkohë që u mësua se nusja dhe dhëndri ishin në gjendje të mirë.
Përleshja u zhvillua në një sallë dasmash në lagjen Erenler të Sakaryas, në Turqi. Policia ka njoftuar se rasti është duke u hetuar./21Media
https://www.youtube.com/watch?v=V0JyXsWkcxA

Back to top button