Del në treg Barbie e parë me sindromën Down
Pas dekadash të së njëjtës vajzë bjonde, Barbie po kërkon të paraqesë një pamje më të larmishme të grave.
Mattel sapo ka prezantuar versionin e parë të kukullës së famshme që përfaqëson një person me sindromën Down.
Në llogarinë e saj në instagram, kompania shpjegoi se ka punuar me Shoqërinë Kombëtare të Sindromës Down në mënyrë që kukulla të përfaqësojë me saktësi një person me sindromën, përcjell portali rtv21.tv
“E veshur me ngjyrat dhe simbolet e komunitetit, ajo mban ortotikë që përputhen me kyçin e këmbës dhe një gjerdan që përfaqëson tre kopjet e kromozomit 21 që rezultojnë në karakteristika të lidhura me sindromën Down”,
“Me një kornizë më të shkurtër, fytyrë më të rrumbullakët, tipare më të vogla dhe pëllëmbë që përfshijnë një linjë të vetme, kjo kukull përmban skulpturë dhe detaje të reja që ilustrojnë karakteristikat e zakonshme të grave me sindromën Down,” thuhet në njoftimin e Mattel.
View this post on Instagram
Kukulla e re është pjesë e linjës “Barbie Fashionistas”, e cila synon t’u ofrojë vajzave paraqitje më të ndryshme të bukurisë dhe të luftojë stigmën rreth paaftësisë fizike.
Koleksioni përfshin një kukull me një këmbë protetike, një tjetër që vjen me një karrige me rrota dhe një kukull me vitiligo.
View this post on Instagram