Deputetja e LDK-së i thotë mbylle gojën Bashës

Deputetja e Lidhjes Demokratike të Kosovës (LDK), Vlora Dumoshi i ka thënë mbylle gojën deputetit të Lëvizjes Vetëvendosje, Dimal Basha, gjatë debatit të sotëm parlamentar për grevën në Kuvend.
Derisa po fliste në foltoren e Kuvendit, Dumoshi, iu drejtua deputetit që “të mbyllë gojën”, pasi sipas saj, po e pengonte të përmbyllte fjalimin e saj.
“Mbylle gojën, unë po flas pastaj t’i vazhdo”, tha ajo.
Në këtë debat u përfshi edhe kryetari i Kuvendit, Glauk Konjufca, i cili kërkoi nga deputetët të kenë kujdes me gjuhën parlamentare.