Dida: Duhet të penalizohen ata që e teprojnë me shpenzim të energjisë

Njohësi i çështjeve të energjisë, Agron Dida, sonte tha se duhet të penalizohen ata që e teprojnë me shpenzim të energjisë.
Ai në “Click” të RTV21 deklaroi se në Kosovë për 4 vjet është rritur konsumi i energjisë 41% .

Ndryshe, Zyra e Rregullatorit për Energji në raportin e fundit konsultativ ka bërë shqyrtimin për ndryshimin e tarifave të energjisë elektrike në Kosovë, në të cilin thuhet se do të këtë rritje të çmimit të rrymës për konsumatorët që shpenzojnë mbi 600 kilovatorë energji elektrike në muaj. Këtë propozim nuk e kanë mirëpritur bizneset, duke thënë se energjia po u shkakton humbje të mëdha.
Ndërsa, ministrja e Ekonomisë, Artane Rizvanolli, sot tha se propozimi i Zyrës së Rregullatorit për Energji për shtrenjtimin e rrymës është në diskutim publik. Sipas saj, ky propozim nuk është final dhe se do të jepen propozime shtesë nga qeveria./21Media