Digjen disa varreza në Ferizaj
Policia e Kosovës ka njoftuar se në Ferizaj janë përfshirë nga zjarri disa varreza.
Ngjarja ka ndodhur të hënën rreth mesditës.
“Raportohet se janë përfshirë nga zjarri disa varreza. Në vendin e ngjarjes kanë dalë njësitet përkatëse ndërsa ekipi i zjarrfikësve ka lokalizuar zjarrin”, thuhet në raportin e Policisë.
Lidhur me rastin thuhet se është njoftuar prokurori dhe janë ndërmarrë veprimet e nevojshme për procedurat e mëtejme hetimore.