Digjet banesa në Fushë Kosovë, shkak mbushësi i telefonit
Një banesë është djegur të martën në Fushë Kosovë, njofton policia e Kosovës në raportin 24 orësh.
Policia bën të ditur se një shtetas i huaj ka raportuar rreth orës 04:25 se si pasojë e një mbushësi të telefonit (adapter) nga zjarri i është përfshirë banesa e tij.
“Njësiti përkatës policor dhe zjarrfikësit kanë dalë në vendin e ngjarjes dhe kanë shuar zjarrin. Përveç dëmeve materiale nuk raportohet për lëndime në njerëz”, thuhet në raportin e policisë./21Media