Disney do të ndalojë shfaqjen e filmave në Rusi

 
Studioja më e madhe dhe më me ndikim e filmit në Hollywood, Disney ndaloi shfaqjen e filmave  në Rusi pasi kjo e fundit po sulmon Ukrainën.
“Duke pasur parasysh pushtimin e paprovokuar të Ukrainës dhe krizën tragjike humanitare, ne po ndalojmë shfaqjen e filmave në Rusi, duke përfshirë filmin e ardhshëm “Turning Red” nga Pixar”, tha një zëdhënës i Disney në një deklaratë të hënën mbrëma. “Ne do të marrim vendime të ardhshme bazuar në situatën në zhvillim.”
Kompania shtoi se Disney po punon me partnerët e saj të organizatave joqeveritare për të “siguruar ndihmë urgjente dhe ndihmë të tjera humanitare për refugjatët” të zhvendosur nga sulmi ushtarak.
Pushtimi rus i Ukrainës është dënuar nga shumë vende në mbarë botën dhe ka shkaktuar një sërë sanksionesh ndaj Rusisë, raporton CNN përcjell portali rtv21.tv.
Disney ( DIS ) kishte planifikuar të shfaqë shumë filma  në Rusi në muajt e ardhshëm. Kjo përfshin “Doctor Strange in the Multiverse of Madness” të Marvel më 5 maj dhe “Lightyear” të Pixar më 16 qershor.
Megjithëse Rusia nuk është një treg i madh filmash si Kina dhe Shtetet e Bashkuara, lëvizja për të tërhequr filmat nga vendi, të paktën për momentin, është e dukshme.
Vendimi i kompanisë mund të nxisë gjithashtu studiot e tjera të filmit që të ndjekin shembullin e Disney dhe të tërheqin filmat e tyre.
Ky vendim i Disney erdhi vetëm disa orë pasi Netflix ( NFLX ) , emri tjetër i madh në botën e argëtimit, tha se refuzon të transmetojë kanale televizive shtetërore ruse./21Media