Dita Botërore e Metrologjisë

 

Sot shënohet Dita Botërore e Metrologjisë, në të cilën ditë shënohet përvjetori i nënshkrimit të Konventës së Metrit.

Në vitin 1875, në Paris u mbajt një konferencë diplomatike për metrin, ku 17 qeveri shtetesh, nënshkruan traktatin e Konventës së Metrit.

Nënshkruesit e kësaj Konvente vendosen të krijojnë dhe financojnë një institut të përhershëm shkencor me emrin “Byroja Ndërkombëtare e Peshave dhe Matjeve”, që shkurtimisht njihet BIPM.

Kjo konventë vendosi bazat e bashkëpunimit botëror në shkencën e matjeve dhe aplikimeve të saj në industri, tregti etj.

Në këtë ditë, të gjitha institucionet e metrologjisë në botë apo organizatat rajonale dhe ndërkombëtare që operojnë në këtë fushë, organizojnë aktivitete promovuese dhe ndërgjegjësuese për publikun apo grupet e interesit.

Qëllimi i kësaj dite është për të ndërgjegjësuar publikun se sa shumë matjet ndikojnë në jetën e secilit prej nesh.

Në Kosovë nuk është paraparë ndonjë aktivitet me rastin e kësaj dite.