Dita e 6 e luftës në Ukrainë

Sot është dita e gjashtë e sulmit të Rusisë ndaj Ukrainës.
Raportohet se ka qenë një tjetër natë e përgjakshme ndërsa Rusia vazhdon sulmin e saj të plotë ndaj Ukrainës.
Ja çfarë duhet të dini:
–Të paktën 70 ushtarë u vranë në një sulm të artilerisë ruse, kanë konfirmuar zyrtarët ukrainas. Punonjësit e urgjencës po analizojnë rrënojat duke u përpjekur të gjejnë të mbijetuar.
–Qendra rajonale e Khersonit tani është e rrethuar nga trupat ruse, thonë raportet, me ushtarë dhe pajisje ushtarake që thuhet “nga të gjitha anët”.
–Ushtria ruse po vazhdon avancimin e saj në Kiev, me imazhet satelitore që tregojnë një kolonë të blinduar që është rreth 65 km e gjatë.
-Dhjetra civilë u vranë më herët të hënën në sulmet me raketa ruse në qytetin e dytë më të madh të Ukrainës, Kharkiv.
-Qeveria e Ukrainës ka thënë se planifikon të shesë bono lufte për të paguar forcat e saj të armatosura, transmeton rtv21.tv.
Sulmi i Rusisë ka nisur në orët e para të 24 shkurtit.
Veprimi i Kremlinit ka nxitur zemërim dhe është dënuar në gjithë botën./21Media