Dortmundi dhe Bayerni vendosin titullin në xhiron e fundit

Humbja e djeshme e Bayernit nga Rb Leipzigu me rezultat 3-1 si dhe fitorja e sotme e Borussia Dortmundit ndaj Augsburgut me rezultat 3-0 e ka ndezur flakë luftën për titullin e kampionit në Bundesligën gjermane.

Me këtë fitore, Dortmundi tashmë është ngjitur në vendin e parë me 70 pikë, vetëm dy më shumë se Bayerni që tani është i dyti me 68 pikë.

Kjo nënkupton që titulli i kampionit mes këtyre dy gjigantëve të futbollit gjerman dhe evropian do të vendoset në xhiron e 34 dhe të fundit të Bundesligës.

Fundjavën e ardhshme, Bayerni do të luajë mysafir kundër Kolnit, kurse Dortmundi Mainzin.