Osmani: Kosova qëndron me krenari me SHBA-të

Presidentja e Kosovës Vjosa Osmani, ka thënë se Kosova qëndron me krenari me Shtetet e Bashkuara të Amerikës dhe aleatat e saj.

Osmani këtë e ka thënë para fillimit të ”Deefender Europe 2023“, një stërvitje e përbashkët shumëkombëshe e drejtuar nga Komanda Evropiane e SHBA, e krijuar për të ndërtuar gatishmërinë dhe ndërveprueshmërinë midis aleatëve dhe partnerëve të SHBA-së dhe NATO-s.

”Kosova qëndron me krenari me SHBA-në dhe aleatët e tjerë ndërsa ne presim Defender Europe 2023. Kjo stërvitje ushtarake është një kujtesë se forca jonë nuk qëndron vetëm në aftësitë tona mbrojtëse, por edhe në aleancat që ndërtojmë dhe vlerat e përbashkëta që kultivojmë“, ka shkruar Osmani në Twitter./21Media