Dua Lipa anulon edhe një koncert

Këngëtarja e njohur, Dua Lipa u detyrua të anulojë edhe një tjetër koncert pasi vazhdon të vuajë nga laringjiti (pezmatimi i fytit).
26-vjeçarja ka njoftuar në Instagram se ajo nuk do të shfaqej në iHeartRadio Z100 Jingle Ball në New York siç ishte planifikuar, pasi vazhdon të jetë në pushim vokal sipas urdhrave të mjekut.
“Shpresoja për një shërim më të shpejtë, por për fat të keq, nuk mund të performoj në iHeartRadio Z100 Jingle Ball. Jam jashtëzakonisht e zhgënjyer, mezi prisja të nisja sezonin e festave duke performuar në Jingle Ball të këtij viti. Më vjen shumë keq që nuk do të jem atje për të festuar sezonin me të gjithë fansat e mi, por shpresoj që të shijoni pjesën tjetër të formacionit të mrekullueshëm që shfaqja ka planifikuar për të gjithë ju”, ka shkruar ajo.

Anulimi i Jingle Ball vjen më pak se një javë pasi ajo u shpreh se sa ‘zemërthyer’ ishte për të humbur iHeartRadio KIIS FM Jingle Ball në Los Angeles për shkak të sëmundjes së saj./21Media