E dini se në cilin vend ekziston fshati fantazmë

Një fshat fantazmë është shfaqur si pasojë e thatësisë ​​në kufirin spanjoll-portugez, e cila po tërheq turma turistësh me rrënojat e tij gri të frikshme.

Me rezervuarin në 15% të kapacitetit të tij, detajet e një jete të ngrirë në vitin 1992, kur fshati Aceredo në rajonin veriperëndimor të Galicisë të Spanjës u përmbyt për të krijuar rezervuarin Alto Lindoso, po zbulohen edhe një herë.

“Duket sikur jam duke parë një film. Kam një ndjenjë trishtimi. Ndjenja ime është se kjo është ajo që do të ndodhë me kalimin e viteve për shkak të thatësirës dhe gjithë kësaj, me ndryshimet klimatike”, ka thënë një pesionist 65-vjeçar.

Arka me shishe birre bosh u grumbulluan pranë një kafeneje dhe një makinë e vjetër gjysmë e shkatërruar po ndryshket pranë një muri guri. Pamjet me dron treguan ndërtesat e braktisura.

Më 1 shkurt, qeveria e Portugalisë urdhëroi gjashtë diga, duke përfshirë Alto Lindoso, për të ndaluar pothuajse përdorimin e ujit për prodhimin e energjisë elektrike dhe ujitje, për shkak të thatësirës në përkeqësim.

Pyetjet mbi qëndrueshmërinë e rezervuarëve nuk janë të reja. Vitin e kaluar, disa fshatra spanjolle u ankuan për mënyrën sesi shërbimet e energjisë i përdorën ato pas një tërheqjeje të shpejtë nga një liqen nga Iberdrola në Spanjën perëndimore. Kompania tha se po zbatonte rregullat./21Media