Ecja në prush lë 25 persona të lënduar në Zvicër

25 persona janë trajtuar për djegie në Zvicrën veriore pasi kanë ecur nëpër thëngjij të nxehtë si pjesë e një stërvitjeje për krijimin e një ekipi.
13 prej tyre u dërguan në spital dhe u trajtuan për lëndime më të rënda pas incidentit të së martës në mbrëmje, transmeton rtv21.tv.
Rreth 10 ambulanca shkuan në ngjarjen private rreth orës 18:00.
Grupi eci mbi një “shtrat” me qymyr që ishte disa metra i gjatë dhe u shkaktoi lëndime menjëherë.
Nuk është ende e qartë nëse kishte ndonjë problem me vendosjen e thëngjillit ose me mënyrën se si grupi eci nëpër to.
Zyrtarët kanë hapur një hetim dhe kanë marrë prova nga vendi, i cili është në gadishullin Au në jug të qytetit të Cyrihut.
Ecja nëpër një shtrat me thëngjij të nxehtë, shpesh i njohur si ecja me zjarr, përdoret ndonjëherë në kurse motivuese dhe ngjarje bamirësie.
Ai përfshin ecjen zbathur mbi prush të nxehtë ose qymyr. Përdoret gjithashtu në shumë pjesë të botës si një rit kalimi ose provë./21Media