Edhe Brahim Mehmetaji ftuar nga Gjykata për intervistim në cilësinë e të dyshuarit

Edhe Brahim Mehmetaji ftuar nga Gjykata për intervistim në cilësinë e të dyshuarit

Ish komandanti i UÇK-së, Sabit Geci, ka njoftuar se ka marrë ftesë nga Gjykata Speciale për intervistim.

Geci ka thënë se nuk e di se në çfarë cilësie është ftuar, pasi nuk e ka parë ende ftesën. Ai ka theksuar se në shtëpinë e tij në Prishtinë kanë qenë dy hetues; njëri austriak dhe tjetri italian për t’ia dorëzuar ftesën, mirëpo meqë Geci nuk ka qenë aty, ata janë kthyer pa e lënë ftesën.

Po ashtu, Gjykata Speciale në Hagë, ka ftuar këtë të merkurë, edhe Brahim Mehmetaj për intervistim në cilësinë e të dyshuarit. Lajmin e ka bërë të ditur kryetari i AAK-së në Prishtinë, njëherësh drejtor i Pronës në Komunën e Prishtinës përmes një postimi në Facebook.

Dje pasdite në përfundim të orarit të punës, një prej hetuesve të Gjykatës Speciale ma solli ftesën për në Hagë. Punë e madhe….. Jam i ftuar në cilësinë e të dyshuarit! Do t’i përgjigjem kësaj thirrje me krenari, edhe pse vazhdoj me mendu që kjo gjykate është e padrejte dhe e njëanshme. Krimet në Kosovë i kanë kryer serbët dhe Serbia dha ata janë kriminelë e jo ne, çlirimtarët që ishim të detyruar të bënim lufte mbrojtëse dhe çlirimtare. UÇK përjetë e mot”, ka shkruar Mehmetaj.