Erdogan i kërkon Putinit t’i japë negociatave me Ukrainën një tjetër shans

Presidenti i Turqisë, Recep Tayyip Erdogan dhe presidenti rus Vladimir Putin kanë biseduar me telefon, ku Erdogan i bërë thirrje liderit rus që t’i japë negociatave një shans për t’i dhënë fund konfliktit.
Erdogan tha se për të ulur tensionet, “hapa – veçanërisht në lidhje me përfshirjen e zonave të ndryshme të Ukrainës në Rusi, priten nga Moska në një përpjekje për të lehtësuar procesin”, sipas presidencës turke.
Deklarata turke nuk kritikoi aneksimin e katër rajoneve të Ukrainës në Rusi, i cili pritet të zyrtarizohet të premten në Moskë. Qeveritë perëndimore e hedhin poshtë procesin si një “mashtrim”, përcjell rtv21.tv
Në një intervistë të mërkurën, Erdogan tha: “Sigurisht që Zelensky dëshiron mbështetjen tonë në këto katër rajone dhe ai dëshiron që ne të takohemi me zotin Putin dhe të diskutojmë çështjen. Le të shohim se çfarë do të ndodhë”.
Kremlini tha se Putin e informoi presidentin turk mbi “rezultatet e referendumeve mbi Republikat Popullore të Donetsk dhe Luhansk, dhe rajonet Kherson dhe Zaporizhzhia për bashkimin me Federatën Ruse”, raporton CNN
Sipas Kremlinit, “u theksua se votimi u zhvillua në mënyrë transparente, në përputhje të plotë me normat dhe parimet e së drejtës ndërkombëtare”.
Ky karakterizim bie në kontrast të drejtpërdrejtë me protestat ndërkombëtare të referendumeve, të cilat zyrtarët e NATO-s, BE-së dhe SHBA-së i kanë hedhur poshtë si të paligjshme.
Kremlini tha se Putin përmendi gjithashtu atë që e quajti “sabotim të paprecedentë” të tubacioneve të gazit Nord Stream 1 dhe Nord Stream 2 ./21Media