Erërat e forta shkaktojnë dëme në Prishtinë e Fushë Kosovë, intervenohet në 17 raste
Erërat e forta kanë shkaktuar dëmë në kryeqytet dhe Fushë Kosovë, ku është nevojitur intervenimi në 17 raste.
Në njoftimin e Drejtorisë për Siguri dhe Emergjenca bëhet e ditur se ndërhyrjet kanë qenë në largimin e kulmeve, llamarinave, reklamave, tjegullave, prerje të drunjve si dhe trajtimin e rasteve të zjarreve.
“Si pasojë e erërave të forta dhe incidenteve të paraqitura gjatë ditës së sotme, Brigada Profesionale e Zjarrfikësve, ekipet e Drejtorisë për Siguri dhe Emergjenca, Ndërmarrja Publike “Gjelbër” dhe Drejtoria e Policisë së Kryeqytetit kanë realizuar gjithsej 17 intervenime në territorin e Kryeqytetit dhe Fushë Kosovës, kryesisht në largimin e kulmeve, llamarinave, reklamave, tjegullave, prerje të drunjve si dhe trajtimin e rasteve të zjarreve….Aktualisht, dy intervenime vazhdojnë të jenë aktive dhe ekipet emergjente ndodhen ende në terren”, thuhet në njoftim.
Dëshiron ta dëgjosh këtë lajm me zë?