Këtë vit nuk do të ketë orar të zgjatur në shërbimin e ofiqarisë në komunen e Ferizajt

Këtë vit nuk do të ketë orar të zgjatur në shërbimin e ofiqarisë në komunen e Ferizajt

Të gjithë qytetarët e Ferizajt të cilët kanë nevojë për nxjerrjen e dokumenteve personale nuk kanë nevojë më të presin në radhë, por nga sot do të mund të kryejnë këtë shërbim në formë elektronike për mes 2 e-kiosqeve të cilat janë vendosur në qendër të Ferizajt.

Kryetari i komunës së Ferizajt me këtë rast tha se ky shërbim do të jetë mjaft i lehtë për t’u përdorur nga qytetarët, dhe në çdo kohë ata mund të nxjerrin dokumente pa pasur nevojë që ta presin orarin e punës së zyrtarëve .

“Unë e konsideroj një investim tepër të rëndësishëm vendosjen e këtyre e-kiosqeve, tani në kohën kur na vijnë edhe mërgimtarët. Është modern dhe lehtë i qasshëm për qytetarët e Ferizajt, pra një mundësi që edhe këta të ecin në hap me kohën sikurse të gjithë qytetarët e shteteve të zhvilluara të Evropës perëndimore pa pasur nevojë që të jenë peng i radhëve për nxjerrjen e dokumenteve personale”.ka thënë me këtë rast kryetari Svarqa.

U bë e ditur se këtë vit nuk do të ketë orar të zgjatur në shërbimin e ofiqarisë në komunen e Ferizajt ,siç ka qenë viteve të kaluara gjatë kohës së verës ngase e-kiosqet do të jenë në shërbim 24 orë e edhe ditëve të pushimit.
Në e-kiosqet e funksionalizuara sot qyetarët e Ferizajt do të mund t’i nxjerrin 5 lloje të dokumentve , certifikatën e lindjes , ekstraktin e lindjes nga regjistri qendror, certifikatën e martesës, certifikatën e shtetësisë ,certifikatën e vendbanimit dhe faturën e tatimit në pronë.
Komuna e Ferizajt për vendosjen e këtyre dy e-kiosqeve ka investuar 20 mijë euro .Qytetarët njërën e-kiosk mund ta gjejnë përpara objektit të komunës dhe tjetrin tek shtëpia e kulturës./21Media