Festivali “Sunny Hill” bën thirrje që Kosovës t’i liberalizohen vizat

Organizatorët e festivalit “Sunny Hill” i kanë bërë thirrje Bashkimit Evropian që të liberalizohen vizat për Kosovën.

Në thirrjen e tyre është thënë se Kosova ka 11 vjet që kur ka mbetur i bllokuar liberalizimi i vizave për Kosovën dhe vazhdon të mbetet një premtim i paplotësuar.

“Që nga viti 2018, Kosova ka përmbushur të 95 standardet për liberalizim të vizave të përcaktuara nga BE-ja që është më shumë se dyfishi i numrit të vendeve fqinje”, është thënë në postimin Festivalit “Sunny Hill”.

“Lejoni rininë tonë të udhëtojë pa kufizime dhe të eksplorojë bukuritë e Evropës, na jepni lirinë tonë për të lëvizur”, ka qenë apeli që Festivali “Sunny Hill”.
Përmes këtij postimi, Festivali “Sunny Hill” po ashtu i ka njoftuar pjesëmarrësit që në hyrje të këtij festivali se ata do të kenë mundësinë që të marrin nga një byzylyk me mbishkrimin “#SETMEFREE” me ç‘rast u ka bërë thirrje atyre që t’i bashkohen kësaj nisme dhe t’i vendosin këta byzylykë.

Dyert e festivalit “Sunny Hill” janë hapur sot në ora 12:00. Nga sot, deri më 7 gusht do të performojnë artistë të famshëm në botë dhe yje vendor në ​këtë festival që mbahet në Parkun e Gërmisë./21Media