FFK: Trajneri i Kosovës emërohet shumë shpejtë

 
Komiteti Ekzekutiv i Federatës së Futbollit të Kosovës(FFK) mbajti mbledhjen e radhës, nën drejtimin e presidentit Agim Ademi, e ku diskutoi për shumë çështje në futbollin e Kosovës. “KE analizoi përgatitjet për fillimin e stinorit pranveror e ku u konstatuar se janë organizuar këshillimi dhe testet fizike për gjyqtarë sikur edhe janë mbajtur takimet me vëzhgues dhe Komisioni për infrastrukturë dhe terrene sportive i ka kryer inspektimet e nevojshme. Kështu që, gjithçka është e gatshme për fillimin e garave në stinorit pranveror”, ka njoftuar FFK.
Në njoftimin e FFK-së bëhet e ditur se KE shqyrtoi mundësitë dhe janë duke u kryer përgatitjet që të fillohet sa më shpejt me implementimin e sistemit VAR edhe në ndeshjet e Ligës e Parë.
“Meqenëse UEFA ia ka besuar FFK-së organizimin e rrethit elitë për U17 në konkurrencën e femrave, KE analizoi përgatitjet dhe konstatoi se janë ndërmarrë të gjitha veprimet e nevojshme që të gjitha Kombëtareve U17 (Gjermania, Sllovenia dhe Austria si dhe Kosovë së mikpritëse), të ju ofrohen kushtet e duhura sipas standardeve. KE diskutoi edhe zgjedhjen e përzgjedhësit të Kombëtares “A” dhe konstatoi se presidenti i FFK-së dhe Komisioni janë në bisedimet me disa trajnerë dhe çështja e përzgjedhjes do të dihet shumë shpejt dhe në kohë të duhur”, njofton FFK.
Tutje bëhet e ditur se KE analizoi edhe punën e Shtabeve teknike të Kombëtareve si Kombëtares “A” të femrave, U21, U19 , U17, U15 dhe U17 e U19 e femrave. Në këtë drejtim, KE mori vendim që përzgjedhëses së Kombëtares “A” të femrave dhe gjithë Shtabit teknik të mos i vazhdohet kontrata-bashkëpunimi.
Gjithashtu,  KE mori vendim që t’i ndërpresë kontratën përzgjedhësit Michael Ness dhe shtabit teknik të Kombëtares U21. Duhet theksuar se Ness edhe kontrata si drejtor teknik i ka skaduar afati.
KE caktoi si Koordinator Albert Bunjakun të këtyre Kombëtareve, derisa të bëhet zgjedhja e përzgjedhësve të këtyre Kombëtareve.
“KE miratoi edhe disa Rregullore me rëndësi për funksionimin e mbarëvajtjen e FFK-së. KE shqyrtoi edhe Ankesat dhe Parashtresat drejtuar këtij organi”, ka njoftuar FFK./21Media