FIFA po konsideron ndryshime në formatin e ri të Kupës së Botës

FIFA e kishte bërë të ditur se po planifikon ta ndryshojë formatin e Kupës së Botës, ndërsa tani thuhet se organi më i lartë qeverisës i futbollit po konsideron të bëjë disa ndryshime në formatin e ri.
FIFA është duke e rishikuar formatin për Botërorin e ardhshëm, i cili fillimisht ishte planifikuar të ketë 16 grupe me nga tre kombëtare, për shkak të suksesit që ka sjellë edicioni aktual i “Katar 2022”.
Njëra nga opsionet që po konsiderohet është të jenë nga 12 grupe me katër kombëtare, ku tetë më të mirat të pozicionuara në vendin e tretë do të kualifikoheshin drejt fazës eliminatore.