Punëtorët e KEK-ut kërkojnë rritje të pagave, kërcënojnë me grevë
Qindra punëtorë të KEK-ut po protestojnë të enjten para zyreve qendrore të KEK-ut në Prishtinë, duke kërkuar rritje të pagave.
Përmes pankartave ata kërkuan edhe shujta të ushqimit, pagesë për rrezikshmërinë në punë dhe respektim të vendimeve të gjykatave për punëtorët e KEK-ut.
Kryetari i Sindikatës së punëtorëve në KEK, Nexhat Llumnica, tha se menaxhmenti aktual duhet t’i përmbushë kërkesat e punëtorëve.
Ai adresoi edhe kritika për menaxhimin e KEK-ut.
Përfaqësuesi tjetër i sindikatës, Xhelal Jashari, tha se rritja e pagave nuk ka alternativë në KEK, pasi në të kundërtën do të hyjnë në grevë.