Filluan xhirimet për ”The Old Guard 2”

2 min read

Vazhdimi i shumëpritur i filmit hit të Netflix, ”The Old Guard”, më në fund ka filluar xhirimet.

Regjisorja Victoria Mahoney shkroi në rrjetet sociale për të ndarë lajmin me një foto nga seti.

Detajet rreth ”The Old Guard 2” mbeten të fshehta, megjithëse fundi i filmit të parë u la shikuesve një histori tjetër që ia vlen të eksplorohet në vazhdim.

Në një skenë të vendosur gjashtë muaj më vonë, një tjetër i pavdekshëm me emrin Quỳnh ( Veronica Ngo ) shfaqet në apartamentin e Booker-it pasi kishte kaluar shekuj të bllokuar në një arkivol nën det. Gjatë gjithë filmit të parë, shikuesit mësojnë se Andy dhe Quỳnh ishin mjaft të afërt dhe humbja e Quỳnh e shkatërroi Andin dhe e preku thellësisht.

Megjithë përpjekjet e saj më të mira, Andy nuk mundi kurrë të gjente Quỳnh, megjithëse tani nuk do t’i duhet të presë shumë më gjatë.

Ky film iu la shikuesve shumë pyetje në kokë. Së pari, në një moment të filmit, Andy humbi pavdekësinë e saj, duke e bërë atë aktualisht anëtaren më të pambrojtur të ekipit me një fat të panjohur.

Së dyti, Booker ( Matthias Schoenaerts ) u dëbua nga ekipi si ndëshkim për tradhtinë e tij.

Tani që Quỳnh e ka gjetur atë, kjo i jep Booker mundësinë për t’u ribashkuar me ekipin më shpejt nëse ai e ndihmon Quỳnh të gjejë Andin.

Në ”The Old Guard” luajnë Theron, Layne, Schoenaerts, Ngo, Luca Marinelli (Nicky) dhe Marwan Kenzari (Joe), të cilët të gjithë do të ripërsërisin rolet e tyre për vazhdimin.

Në kastin shtesë përfshihen Chiwetel Ejiofor dhe Harry Melling./21Media