Reagon Molliqaj pas fotografisë së postuar në rrjetet sociale ku ai shihet në një fotografi me Presidentin Thaçi

Reagon Molliqaj pas fotografisë së postuar në rrjetet sociale ku ai shihet në një fotografi me Presidentin Thaçi

Një fotografi e cila është publikuar në rrjetet sociale ku shihet anëtari i Vetëvendosjes Dardan Molliqaj përkrah presidentit të tanishëm Hashim Thaçi i cili më parë ishte kryetar i Partisë Demokratike ka ngjallur reagime të shumta.

Kurse edhe vet Molliqaj ka reaguar përmes një postimi në Facebook. Ai ka deklaruar se ajo fotografi është realizuar në vitin 2000-2001, gjatë kohës kur ai ishtë nënkryetari i gjimnazit në Deçan.

Njëri nga personat i cili është në këtë fotografi Smajl Zukaj ka deklaruar se kjo foto është bërë kur Molliqaj ka qënë Kryetar i Forumit Rinor të PDK’së, në fshatin Beleg të Deçanit. Këtë e ka mohuar Molliqaj. “Në këtë kohë kam qenë 15 vjeç dhe asnjëherë nuk kam qenë anëtar i PDK dhe as pjesë e asnjë strukture të asnjë subjekti tjetër politik. Pres që themeluesit e PDK-së në Deçan ta demantojnë këtë të pavërtetë.”, ka shkruar Dardan Molliqaj./21Media