FMN pret të ulë parashikimin e rritjes globale

Fondi Monetar Ndërkombëtar ka ulur parashikimin e rritjes globale për muajin e ardhshëm për shkak të luftës dhe sanksioneve kundër Rusisë, të cilat kanë shkaktuar një tkurrje në tregtinë globale.
Drejtoresha menaxhuese e FMN-së, Kristalina Georgieva tha se ekonomia ruse u përball me një “recesion të thellë” dhe se mospagimi i borxhit të vendit nuk ishte një eventualitet “i pamundur”.
Kjo, tha ajo, po përhapet në ekonominë globale, duke shkaktuar një rritje të kostove të energjisë dhe ushqimit.
“Kemi kaluar një krizë si askush tjetër me pandeminë. Tani jemi në një territor edhe më tronditës. Ndodhi e paimagjinueshme: Kemi një luftë në Evropë”, shtoi ajo.
Në një shembull tjetër të izolimit në rritje të Rusisë, zyrat e FMN-së në Moskë nuk janë më funksionale.
Georgieva tha se FMN-ja nuk ka asnjë lidhje programore apo politike me Rusinë në këtë pikë. Rusia megjithatë ruan anëtarësimin e saj në huadhënësin global./21Media