Forcat ruse përgatiten të rinovojnë ofensivën në Donbas, ndërsa Ukraina sulmon në jug

Ushtria ukrainase ka raportuar për luftime të gjera si në teatrot veriore ashtu edhe në jug gjatë 24 orëve të fundit, me forcat ukrainase që po sulmojnë në jug dhe artilerinë ruse aktive në Donetsk dhe Kharkiv.

Shtabi i Përgjithshëm i Forcave të Armatosura të Ukrainës tha se forcat ruse u përpoqën të përparonin në rajonin e Kharkivit – rreth 20 kilometra (12 milje) në veri të qytetit – por u refuzuan.

Megjithatë, sipas ushtrisë së Ukrainës, ata vazhduan të bombardojnë rrethe pranë qytetit Kharkiv dhe pjesë të tjera të rajonit.

Dy burra u vranë në granatimet e qytetit të Zolochiv-it pranë kufirit rus, sipas administratës ushtarake rajonale.

“Në rajonin e Kharkivit, shtatë persona vdiqën dhe 34 u plagosën si rezultat i bombardimeve nga pushtuesit”, tha administrata.

Shtabi i Përgjithshëm tha se nuk kishte asnjë ndryshim në vijat e frontit në veri të qytetit të Sloviansk. “Të gjitha veprimet e armikut në drejtim të këtyre vendbanimeve ishin të pasuksesshme”, u bë e ditur thuhet në njoftim.

Por, granatimet ruse të qytetit nga distanca vazhdojnë dhe një person u plagos gjatë natës kur një ndërtesë banimi u godit, sipas autoriteteve lokale.

Shtabi i Përgjithshëm tha se forcat ruse po përpiqeshin gjithashtu të përmirësonin pozicionet e tyre taktike më në jug në rajonin e Donetskut, me sulme me raketa në disa zona.

Qëllimi rus është të mbyllet në ato pjesë të rajonit që ende mbahen nga forcat ukrainase, rreth 45% e rajonit, nga tri drejtime.

Por, që nga rënia e Lysychanskut në Luhanskun fqinj, linjat e frontit në Donetsk kanë ndryshuar pak.

Në jug: Ndërkohë, në Ukrainën jugore, forcat ruse janë kryesisht në mbrojtje, ndërsa forcat ukrainase përpiqen të bëjnë përparime në rajonin Kherson.

Shtabi i Përgjithshëm tha të martën se “armiku po përqendron përpjekjet e tij në mbajtjen e pozicioneve të pushtuara dhe parandalimin e ofensivës së njësive të Forcave të Mbrojtjes të Ukrainës”.

Luftimet në Kherson janë pjesërisht përgjegjëse për zjarret e përhapura. Administrata ushtarake rajonale raportoi se “në fillim të korrikut, punonjësit e urgjencës regjistruan 75 zjarre në pothuajse 300,000 hektarë”.

Komanda Operative e Ushtrisë Ukrainase Jug tha se tri depo municionesh ruse ishin goditur në pjesë të Mykolaivit nën kontrollin rus dhe helikopterët ukrainas kishin sulmuar pozicionet ruse në Khersonin fqinjë.

Serhii Khlan, këshilltar i kreut të administratës civile ushtarake Kherson tha të martën se “forcat tona të armatosura filluan të sulmojnë pozicionet pranë Pravdyne, Oleksandrivka dhe Snigurivka [në rajonet Kherson dhe Mykolaiv] me helikopterë”.

“Ne kemi nisur tashmë sulme në pothuajse të gjithë vijën e frontit”, tha Khlan.

CNN raporton se nuk është në gjendje të verifikojë pretendimet e Khlanit, por ka pasur rritje në veprimet ofensive ukrainase në Kherson dhe Mykolaiv kohët e fundit./21Media