Frymën e fundit e dha në duart e motrës vrasëse, viktima do festonte nesër ditëlindjen
(Lajm i përditësuar)
A.P gjeti vdekjen nga dora e motrës së saj, pas një konflikti që nisi në banesë, ku M.P po i kërkonte që të linte alkoolin, që e konsumonte prej gati 10 vjetësh. Viktima do të festonte ditëlindjen ditën e nesërme (4 shtator), por humbi jetën vetëm dy ditë para se të mbushte 37-vjeç.
Pas vrasjes, familjarët tentuan të fshehin ngjarjen dhe raportuan atë si vdekje natyrale, por pas ekzaminimeve të kryera në trupin e saj u konstatuan plagë të shkaktuara nga thika.
Policia ka arrestuar motrën e saj, me profesion mësuese, ndërsa kjo e fundit ka deklaruar se vrasjen e bëri në kushtet e vetëmbrojtjes, pasi 37-vjeçarja e kishte kërcënuar se do e vriste atë dhe nënën.
E dyshuara për vrasjen e motrës: E mbyta në vetëmbrojtje
Gruaja e cila është arrestuar nën dyshimin se vrau motrën e saj në një banesë në Tiranë, ka thënë se e ka kryer vrasjen për vetëmbrojtje.
E arrestuara pretendon se viktima prej më shumë se 10 vjetësh ishte e alkoolizuar dhe problematike.
E dyshuara tha se fillimisht kishin debatuar me viktimën që ajo ta linte alkoolin, ku pastaj kjo e fundit kishte kërcënuar me thikë të dyshuarën dhe nënën e saj.
Ajo shtoi se pastaj situata është tensionuar dhe ka vepruar në kushtet e vetëmbrojtjes.
E arrestuara me profesion është mësuese.
Dyshohet se motra mbyti motrën
Një grua dyshohet se është mbytur me thikë nga motra e saj në Tiranë.
Policia shqiptare dyshon se të ndjerën motra e saj e ka vrarë gjatë një debati e sipër.
Trupi i pajetë është gjetur në banesë pasditen e të shtunës, por ngjarja dyshohet se ndodhi në orët e para të mëngjesit.
E dyshuara është arrestuar disa orë pas ngjarjes.
Të afërm të viktimës janë shoqëruar në stacion policor, për t’u marrë në pyetje rreth rastit.