FSK institucioni më i besueshëm në Republikën e Kosovës

Rezultatet tregojnë se FKS është vlerësuar shkallën më të lartë me 3.74

Instituti Kosovar  për Kërkime dhe Zhvillime të Politikave- KIPRED, para medieve bëri shpalosjen e matjeve të opinionit publik kosovar të periudhës 15 nëntor 2016 deri më  15 shkurt 2017,  për institucionet e sigurisë në vend dhe për drejtuesit kryesor të këtyre institucioneve.

Sipas rezultateve të prezantuara edhe këtë radhë, për herë të pestë , FSK rezulton se është vlerësuar si institucioni më i besueshëm i sigurisë në Kosovë, me shkallën më të lartë  3.74.

Kurse në vlerësimin e drejtuesve të institucioneve të sigurisë, ministri i MFSK-së, Haki Demolli është vlerësuar me shkallën më të lartë 2.88.

Sipas publikimit, FSKs besueshmërinë më të lartë, sipas rajoneve e ka nga qytetarët shqiptarë të veriut të vendit, përderisa ka ndryshime të shifrave në përqindje në rajonet tjera, që gjithashtu besueshmëria për FSK-në është e lartë.

Këto vlerësime janë pasqyrim i rezultateve të  punës së palodhshme  dhe të përkushtuar i të  gjithë pjesëtarëve të  FSK-së.

Ky rezultat është edhe pasojë e menaxhimit dhe drejtimit  shumë transparente të MFSK-së dhe FSK, në kryerjen e detyrave që dalin nga misioni aktual që kanë, u theksua në konferencë.

Në  takim, nga Ministria për Forcën e Sigurisë së Kosovës, morën pjesë, drejtori i Departamentit të Operacioneve, gjeneral brigade Zymer Halimi, dhe drejtori i Departamentit për Marrëdhënie me Publikun, Ibrahim Shala, si dhe deputet e përfaqësues të institucioneve tjera të sigurisë./21Media