Gabimet që bëhen me makinën larëse
Larja e rrobave në makinën larëse është proces i përditshëm dhe i zakonshëm, por ekspertët i kanë renditur disa nga gabimet që njerëzit i bëjnë.
Mediumi “Choice” ka shkruar se për t’i larë rrobat në mënyrë perfekte, duke ndjekur disa hapa.
Përzierja e rrobave të bardha me ato me ngjyra
Kur po nxitoni, zgjidhje është t’i përzieni të gjitha rrobat e mundshme në një larje të vetme, Por, kjo s’është e duhura. Larja e rrobave të ndryshme mund të shkaktojë ndërrim të ngjyrës dhe dëmtim të rrobave. Lani të gjitha të veçanta, sipas modelit dhe ngjyrës.
Përdorimi i tepërt i detergjentit
Ekziston një mit që thotë se nëse vendosni më tepër detergjent, rrobat do të lahen më mirë. Kjo nuk është plotësisht e saktë. Ekspertët thonë se në këtë rast, mund të përfitoni vetëm shpenzime shtesë dhe dëmtim të rrobave. Larja e rrobave duhet të bëhet në dozë të rekomanduar të detergjentit, e kjo zakonisht theksohet në letrën rekomanduese të makinës larëse.
Përdorimi i zbutësit të rrobave
Zbutësi i rrobave mund t’i bëjë rrobat me erë të freskët, por këtu mbaron gjithçka. Njohësit e kësaj fushe thonë se zbutësi nuk kontribuon në pastrimin e rrobave pasi sipas tyre, ky detergjent do të ngelet në rroba, duke i lënë ato të papastra. Zbutësit gjithashtu e reduktojnë thithjen e ujit.
(Mbi) ngarkimi i makinës
Makina larëse nuk funksionon me efikasitet nëse ngarkohet me pak e edhe me shumë rroba. Sipas mediumit, nëse makina larëse ngarkohet me pak rroba, mund të dëmtohet nga rrotullimet e shpejta pasi s’ka peshë të mjaftueshme brenda, ndërsa ngarkimi i saj me shumë tesha, mund ta lodhë. Atë ngarkojeni me një masë që mund ta përballojë me lehtësi dhe efikasitet.