Gazetarët shpërthejnë në të qeshura në konferencën e Ancelottit
Carlo Ancelotti nuk u përball me pyetje për ndeshjen e Real Madridit në Ligën e Kampionëve kundër Bragas, dhe e mbylli konferencën e tij duke thënë: “Është turp, doja t’ju tregoja formacionin titullar”.
Mediat spanjolle janë të fokusuara në skandalet e gjyqtarëve pas përballjes së Realit kundër Sevillas, dhe abuzimit racor ndaj Vinicius Jr, kështu që Ancelotti nuk pranoi ndonjë pyetje për ndeshjen e radhës kundër Bragas në Ligën e Kampionëve.
Gazetarët të cilët ishin në konferencën e mediave shpërthyen në të qeshura kur Ancelotti u largua nga konferenca, duke thënë:
“Është turp, unë doja t’ju tregoja formacionin titullar, por ju nuk pyetët për të”, tha Ancelotti para se të largohej nga dhoma e konferencës.
Lexim me zë
Dëshiron ta dëgjosh këtë lajm me zë?