Gërvalla merr pjesë në takimin e ministrave të jashtëm në kuadër të Procesit të Berlinit

Ministrja e Punëve të Jashtme dhe Diasporës, Donika Gërvalla do të marrë pjesë në në Takimin e Ministrave të Punëve të Jashtme në kuadër të Procesit të Berlinit, njofton MPJD.

“Pas pjesëmarrjes në Konferencën e djeshme të Koalicionit Global kundër DAESH/ISIS me ftesë të Sekretarit Blinken, të mbajtur në Uashington, Zëvendëskryeministrja dhe Ministrja e Punëve të Jashtme dhe Diasporës e Republikës së Kosovës, Donika Gërvalla, ka udhëtuar për në Berlin, ku do të marrë pjesë në Takimin e Ministrave të Punëve të Jashtme në kuadër të Procesit të Berlinit.

Në këtë takim Ministrja Gërvalla do të paraqes qëndrimet e Republikës së Kosovës në raport me Procesin e Berlinit dhe integrimin evropian të Republikës së Kosovës.”, thuhet në njoftim./21Media