Gërvalla pritet nga kryediplomati austriak, në takim diskutohet për Banjskën

Ministrja e Punëve të Jashtme dhe Diasporës, Donika Gërvalla, është pritur të mërkurën në takim nga homologu i saj austriak, Alexander Schallenberg.

Në njoftimin e bërë për media, bëhet e ditur se në këtë takim Gërvalla e ka informuar Ministrin për Evropë dhe Marrëdhënie Ndërkombëtare të Austrisë rreth veprimeve destabilizuese të Serbisë, si sulmi në Banjskë, sulmi ndaj KFOR-it dhe veprime tjera që sipas saj, rrezikojnë paqen dhe stabilitetin në Ballkanin Perëndimor.

“Ministrja Gërvalla e njoftoi homologun austriak rreth proceseve të brendshme politike në vend, duke prezantuar progresin e arritur në demokratizim, sundim të ligjit, rritje ekonomike, respektim të të drejtave të njeriut, liri të mediave dhe infrastrukturë moderne për investime ndërkombëtare”, thuhet në njoftim.

Back to top button