Policia në Gjakovë ka arrestuar një pronar të një restoranti për shkak se në atë restorant kishte lejuar të mbahej një aheng familjar – dasmë në të cilën kishin qenë rreth 50 persona.

“I dyshuari kishte vepruar në kundërshtim me vendimin e Qeverisë, ndaj të cilit me urdhër të prokurorit është iniciuar lënda e rastit, i dyshuari është liruar në procedurë të rregullt”, thuhet në raportin e policisë.

Kohët e fundit, policia në këtë komunë ka njoftuar për një numër të lartë të rasteve ku po mbahen dasmat të cilat nuk janë lejuar për shkak të masave anti-Covid./21Media