Gjenden nëntë granata dore në Prizren

Dje gjatë ditës një dëshmitar ka raportuar në polici se ka hasur në mjete të pashpërthyera në Prizren.
Policia ka dalur në vendin e ngjarjes dhe ka arritur të identifikojë nëntë granata dore të pashpërthyera. Policia ka njoftuar se njësitet e FSK-së kanë shpërthyer në mënyrë të kontrolluar njërën nga granatat, ndërsa tetë të tjerat i ka deminuar në formë të sigurtë, për t’i trajtuar më tutje.
“Njësitet policore pas pranimit të informatës nga dëshmitari mashkull kosovar për mjete të dyshuara të pashpërthyera, kanë dalë në vendin e ngjarjes në të cilin dyshohet se janë nëntë (9) mjete të pashpërthyera, granata dore. Njësitet policore kanë siguruar vendin e ngjarjes, ndërsa njësitet e FSK-së për deminim, në vendin e ngjarjes ka bërë shpërthimin e një granate në mënyrë të kontrolluar ndërsa tetë (8) të tjera i kanë tërhequr në mënyrë të sigurtë për trajtimin të mëtejshëm”, ka njoftuar Policia e Kosovës./21Media