Gjendet i vdekur një person në Burojë

Një person është gjetur i vdekur në shtëpinë e tij sot rreth orës 06:30, në fshatin Burojë të Skenderajt.
Rastin për rtv21.tv e ka konfirmuar Avni Zahiti, zëdhënës i Policisë së Kosovës për rajonin e Mitrovicës.
Zahiti ka bërë të ditur se njësitë përkatëse policore dhe ekipi mjekësor kanë dalë në vendin e ngjarjes, kurse trupi i pa jetë i 79 vjeçarit është dërguar në Institutin e Mjekësisë Ligjore për obduksion./21Media